NYAYIAN SANGHYANG DEDARI

1.      NYAYIAN SANGHYANG DEDARI

Ngukup

Asap menyan majagau

Cendana pengundang Dewa,

Dewa arsa ida turun mengasirsir,

Mengesir – sir sereg – seregin, (diulang sampai nadi),

Nadi/ trance

Tut katidong bangun,

Bangunke mepayas,

Mewastra di dane kembang bukit,

Masinjang pitolo halus,

Meanteng dane guringsing,

Guringsing wayang,

Pantes iring lelancar,

Pemargine dilenjo-lenjo,

Salontar dane salonter,

Mairib mepasang guna,

Guna adi guna napi,

Pasangang dane,

Guna adi guna puled,

Mapulalat mapulilit,

Hakena didane rujak gadung,

Ditu suryake makerug.

Sekar sandat,

Sekar sandat,

Dikembange tanpa guna,

Dilayune dikasur mayang,

Miyik nyangluh,

Nene kuning,

Malimpungan,

Pantes pejang di pamreman,

Pamreman dedari alit,

Bale manik,

Dimabusana,

Endin murub,

Ngaredep masunaran bintang,

Bintang siang,

 Bintang jaruma,

Panedenge teja bulan, nene purnama.

Adun dewa suci,

Mengawe lengleng tuningal,

Ida lunga makelanguan,

Mangungsi ketaman sari,

Kayun ida mengalap-ngalap sekar,

Sekarang ida masolah,

Masolah kadi ring ambar,

Manyuregseg ida ida nyalempoh,

Matanjek majulu angsul,

Julu angsul ring iderin,

Lalakon sesapi mimbang,

Mangimbang tepin telaga

Ande titian kupu-kupu metarung,

Metarung metangkis gilik.

Batu gaplong,

Dedari turun menyoged,

Menyoged eleg-elegang,

Eleg-eleg kacegantun,

Ne ring wangsul,

Wangsul sari I bagus meduwe taman,

Taman sari tetanduran,

Sarwa miyih,

Madori-dori putih,

Anggen di oncer rejang,

Rejang legong,

Matur bakti kesuralaya.

Tut katidong bangun,

Disaba lemah,

Padingoang munyin sulinge di jaba,

Kenkenke ento,

Dimunyin suling,

Ranak rinik gagupekanne sekar gadung,

Mupu-mupu  sekar ke taman sari,

Sekar sandat,

Menuh gambir,

Aturina ayu dedari,

Dari alit mangujang ngoyong ditu,

Margi mulih enjitang tiang roko,

Rook napi rokon beline,

Rook bagan mepilpil metali benang,

Sig napine rokon beline,

Jumah meten  di dingdinge dulun sanglat,

Samup usan iayu mengenjit roko,

Dong cacarin nemagending-gending sanghyang,

Sane nenten ipun magending,

Dong sampunang iayu ngicen lanjaran.

Ngelod kanginan,

Tepuk meru,

Tumpang siongolas,

Jalan dedari ngerawos matur canan,

Canan napi,

Canan dane,

Canan gantal buah muda,

Canggah urip mikuh cantel,

Bibi ngemban, bibi nginte,

Lakar gene bibi ngemban bibi nginte,

Nyelang gunting,

Lakar anggon nggunting capung,

Capung emas,

Capung selaka lakar pelalian widiadari,

Buka kenken warnan dane,

Buka bulan nene putih kuning,

Ne wawu panlowang apisan.

Mecantel

Mecantel dewa mecantel,

Apang becik dewa mecantel,

Mantuk

Mantuk-mantuk ayu dedari mantuk,

Mantuke kedalam puri,

Keregang langsene kening,

Pakebirbir ayu dedari mantuk (3 kali),

Sekar jepun anggitan madori putih,

Pucuk petak teleng biru,

Nunas tirta kesanggar agung,

Tirta hening sibuh selem,

Toya pemastu,

Pemastu sakeng swargan,

Ketisin ragane dewa,

Wus meketis ngiring mantuk ke gunung indrakila,

Lamun kari kurungan anyar,

Waluya kadi manusa.

2.      NYANYIAN SANGHYANG BOJOG

Don dapdap don jaron

Metali guntung sitsitan

Manelapdap meneliti buka lutunge menyiksik

Bun pepe bun paspasan metali guntung sitsitan

Buka kenken atonan icing

Buka lutunge masiksikan.

3.      NYANYIAN SANGHYANG KEREK

Kuluk Kuluk Maling katumbak manyungkirit

Luput engkak engkokane

Katuju kagorokane

Yaondo . . . . . yaondo . . . . .

Kuluk kuluk maling (diulang-ulang)

4.      NYANYIAN SANGHYANG CELENG

Dagdag se bang celeng

Karocak tutuin banyu

Lengar gede maculaleng

Jalan getok abang panggul

5.      NYANYIAN SANGHYANG MEMEDI

A.    Sang wewe-sang wewe sira ngundang ngundang rare,

Rarene ngundang piturun, sira ngundang ngundang turun 2x.

(diulang sampai nadi).

B.      

1.       Mengantih sira kewengi,

Peradene kasebit  sunting,

Apate ingsun,

Apa ponjen,

Nyen giginne putih.

2.      Pengalu dagang uyah.

Kareregan dipasisi,

Menalu basange layah mareren ngesop nasi.

3.       Men bajang luwes kasetra,

Mangundang-ngundang memedi,

Memedi giginne putih,

Erek-erekin akuca icang,

 Icang tong nyak,

 Keteken ia,

Dedengkur epengpepeng,

Nikul kempul madedengengser.

4.      Salak nongan manggis duren,

Langsat caroring,

Kapundunge tigeh-tigehan,

Be pawewehin beli nyoman,

Beli nyoman umane ebet makejang,

Tungkul beli majogedan, genderne angklung,

Rebadne gontang,

Gogoanga balung bakatangan tulang.

5.      Ngalih katak ngalih lindung,

Besusul jemut kadut-kadut,

Song katak song lindung song lele song bejulit,

Metandang mekidung mareren nyelek ejit-ejit-ejit.

6.      Memedi tulak tingkih toro-toro baten bila,

Memedine mengantih teka ia jag masila.

7.      Sit nsng insnsng mrtinfik brnsng,

Sit tung ilutung mengolong bangkung.

6.      NYANYIAN SANGHYANG TUTUP

Tutup lumbung rare bajang

Sariagung kejor anjokang

Onde-onde tain kambeng acecang bir

Kadenange bator magoreng

7.      NYANYIAN SANGHYANG JARAN

Ngukup

1.      Jaran gading luas ngalu,

Kedajen bukit,

Tawor tabu,

Buahe mudah,

Patpat satak maimbuh malu akutus,

Malu tiwas,

Ngelah gelebeg cenik,

Misi danggul jagung,

Jagung kaselane,

Roroban terjak miong,

Krencang krencing,

Nyaregseg narejak geni,

Geni murub,

Solahin bagus solahin.

2.      Jaran gading dingkrik-dingkrik kedangin pangkung,

Jero dukuh memula candung,

Mara mentik caplok bangkung,

Likak likuk, rurung cupek sarendengin,

Yarumbak-yarumbak katon,

Layu penganten anyar.

3.      Made rai,

Lilig motor ibisanja 2x,

Motorbadung kagianyar 2x,

Gadebege muat batu,

Batu cina,

Bais lantang cunguh barak 2x,

Mangundang-undang icodal 2x,

Icodal matetulupan,

Jangkak jongkok,

Menyaruang nyongcong jangkrik 2x,

Jangkrik kawi  nilotama 2x,

Nilotama tunjung biru,

Tunjung biru,

Margi ibagus masiram 2x,

Masiram saling enjokin 2x, tepuk api dong ceburin,

Macan rengreng, mangelur ngebekin gumi 2x,

Tepuk api dong ceburin,

Singa warak, gajah lembune mecanda 2x,

Mecanda saling kecakin 2x,

Tepuk api dong ceburin.

4.      Ya-ya idagung gantal 2x,

Masubeng empet empetan,

Mara bangun kapisaga 2x,

Menyaruang nyilih serat,

Serta anyar,

Untun nyane siu satus 2x,

Ane satus 2x,

Ane satus anggon bibih 2x,

Paweweh Iketut genjing, ketut genjing,

Manguda tunune uwug, mula uwug dipandalan 2x,

Kalian tiang mebalih sanghyang,

Sanghyang jaran mangigel,

Ngeseng-ngesengang koping.

5.      Congklang dicongkalng malang

Yanguda netek,

Adi cendetina miring,

Yateka ibaletok,

Kampek poleng bongkok,

Maudeng kenjir,

Nyen teka uli kaja,

Majempong pengal,

Makumis kenjir.

6.      Baris badung baring sangka,

Taman bali,

Calebur pancing, dikusamba,

Yaketo, panciyang sampun ibi,

Yang sampun ibi sanja,

Tuak bayu melawu babakan kelor,

Konden payu ngadakang bungute bengor.

8.      NYANYIAN SANGHYANG LELIPI

Menadi  Sanghyang Lelipi

Melilit menekang sebum

Malingkeh buka lekeh

Paselehseh.

9.      NYANYIAN SANGHYANG SRI PUTUT

Ngukup

Sri Putut I Putut mejaremin memaling tegal

We dane, we dane ka pedasan

I putut magenjan-genjan

10.  NYANYIAN SANGHYANG KULUK

Cicing tumpang, cicing tumpang

Barongang ya . . . ya, endig meredidig,

Besang betek, egah-egoh ngamah bubuh.

11.  NYAYIAN SANGHYANG TETER

Gumenter, gumenter, memadi sanghyang Teter

Ninian ngeling sapa longan nuduk mani

Mani ngetos tayungan, ketesang tayungan

Ketesang tayungang.

12.  NYANYIAN SANGHYANG  CAPAH

Busung tatar, ari busung ringgit.

Renggang-renggung, aririgang pane

Gedong mire, lilit linting

Gedong nire cenik melenting

13.  NYANYIAN SANGHYANG SAMPAT

Menyampat meceninga,

Mebanten sumping keladi,

Nyen teke uli kaje,

Mebunga pucuke gading,

Paradewa turunmapuja,

Pre gusti turun mebalih

Kamben apa kambenanga,

Cepuk genggong,

Cepuk sari,

Ade satria di Umacetra,

Manyuang ke Budhakeling,

Maluasang matenunggan,

Adake bulune mabuncing.

14.  NYANYIAN SANGHYANG LESUNG

Ire nyeleng, ire nyeleng

Kesayat ngalima likur

Balige-balige tengah,

Bok anas-bok nire ka sulatri ngalih demung

Engget, engget Sanghyang Lesung (2x)

15.  NYANYIAN SANGHYANG DONGKANG

Dongkang angkang-angkang

Kepentil angkih-angkih

Pang dongkang nglah panak

Pang kiting ennu katih